อตฺตทีป ธมฺมเทสนา

ปุจฺฉา – อตฺตทีปธมฺมเทสนา ปนาวุโส ภควตา กตฺถ กํ อารพฺภ กิสฺมิํ วตฺถุสฺมิํ ภาสิตาฯ

วิสฺสชฺชนา – เวสาลิยํ ภนฺเต เวฬุวคามเก อายสฺมนฺตํ อานนฺทํ อารพฺภ ภาสิตา, อายสฺมา ภนฺเต อานนฺโท ภควโต คิลานวุฏฺฐิตสฺส อจิรวุฏฺฐิตสฺส เคลญฺญา ภควโต เคลญฺเญน อตฺตโน เขทปตฺตการณํ อาโรเจสิ, ตสฺมิํ ภนฺเต วตฺถุสฺมิํ ภาสิตาฯ

‘‘ตสฺมาติหานนฺท อตฺตทีปา วิหรถ อตฺตสรณา อนญฺญสรณา’’ฯ

ปุจฺฉา – ภควตา อาวุโส ปุริม ทุติยทิวเส ปุจฺฉิตวิสฺสชฺชิตกฺกเมน อตฺตทีปธมฺมเทสนญฺจ อญฺญานิ จ ธมฺมเทสนานิ กเถตฺวา ปรินิฏฺฐิต สพฺพพุทฺธกิจฺเจน อายุสงฺขาโร กตฺถ โอสฺสฏฺโฐฯ

วิสฺสชฺชนา – เวสาลิยํ ภนฺเต จาปาเล เจติเย มาเรน ปาปิมตา ยาจิโต ภควา สเตน สมฺปชาเนน อายุสงฺขาโร โอสฺสฏฺโฐฯ

‘‘ปรินิพฺพาตุ ทานิ ภนฺเต ภควา, ปรินิพฺพาตุ สุคโต, ปรินิพฺพาน กาโล ทานิ ภนฺเต ภควโตฯ

อปฺโปสุกฺโก ตฺวํ ปาปิม โหติ, น จิรํ ตถาคตสฺส ปรินิพฺพานํ ภวิสฺสติ, อิโต ติณฺณํ มาสานํ อจฺจเยน ตถาคโต ปรินิพฺพายิสฺสติฯ

จตุมหาปเทส

ปุจฺฉา – จตุมหาปเทสธมฺมเทสนา ปนาวุโส ภควตา กตฺถ ภาสิตาฯ

วิสฺสชฺชนา – โภคนคเร ภนฺเต อานนฺเท เจติเย ภาสิตาฯ